SI LUZ: ANG ‘SPICE GIRL’ MULA BARANGAY U.P. CAMPUS AT ANG IBA PANG INFORMAL WORKERS NG QC

Si Aling Luz Bergamo, 50+ taon gulang, nakatira sa Sitio Lambak sa Barangay U.P. Campus, ay isa sa libo-libong tao na bumubuo sa sektor ng informal workers ng Quezon City.

Si Aling Luz ay nagtitinda ng mga spices at sangkap pangluto tulad ng durog na paminta, bulaklak ng saging, at iba pa na nakabalot sa plastic bilang retail goods at sa pamamagitan ng pagsusumikap sa trabaho, napagtapos niya ang kanilang dalawang anak sa pag-aaral.

Si Aling Luz at ang iba pang masisipag na informal workers ang walang sawang nagtataguyod at bumubuo sa informal economy, at maging sa kabuuang ekonomiya ng lungsod.

Ang mga informal workers ay mga taong may mga trabaho ngunit walang pormal na kontrata o kasunduan mula sa isang employer o amo at kompanya.  Ayon sa depinisyon ng International Labor Organization (ILO), ang isang manggagawa ay maituturing na “informal worker” kung siya ay malaya, nagtatrababaho pansarili, isang maliit na manggagawa at nagbibigay ng maliiit na produkto o serbisyo (“independent, self-employed, small-scale producers and distributors of goods and services.”). Sila ay karaniwang hindi tumatanggap ng mga benepisyong katulad ng health insurance, paid leave at seguridad sa trabaho.

Sang-ayon sa Section 4 ng Quezon City Ordinance No. SP-2512, S-2016, na kilala bilang “The Quezon City Informal Economy Ordinance”, ang mga informal economy workers ay nahahati bilang mga “home-based workers (own account/self-employed), vendors, transportation sectors, non-corporate construction workers” at ang mga “street workers, waste workers and volunteer service workers in private and public”.

Ayon sa pinakahuling datos ng QC PESO, mula sa isinagawang profiling noong February hanggang July 2024, umaabot sa halos 12,774 katao ang kabuuang bilang ng informal workers sa lungsod. Ang bilang ng mga informal workers, kabilang ang mga paleros, ang tinututukan at binigyan ng tulong ng pamahalaang lungsod sa pamamagitan ng paghahatid ng tulong sa kanila, sa pamamagitan ng Public Employment Service Office, sa pamumuno ni PESO chief Rogelio L. Reyes.

1^st QC Informal Workers Assembly

Photo credit: 1st QC Informal Workers Assembly - Quezon City Government

At noong Mayo 31, 2024, halos 2,500 informal workers mula sa anim na distrito ng lungsod ang binigyan ng benepisyo ng pamahalaang lungsod.

Para masiguro ang pagbibigay-protekson at suporta sa mga informal workers ng lungsod, nilagdaan ni Mayor Joy Belmonte ang isang Pledge of Commitment.

QC Workers’ Welfare Program

Photo credit: QC Workers’ Welfare Program - Quezon City Government

Noong March 15, 2025, pinuntahan ni Mayor Joy Belmonte ang halos 6, 000 mangggawa ng lungsod, sa anim (6) na distrito bilang pagkilala sa kanilang mahalagang kontribusyon sa pag-unlad ng lungsod.

Dito, ibinahagi ni Mayor Belmonte ang iba’t-ibang programa ng pamahalaang lungsod, hatid ng iba’t-ibang departamento, lalo na ang QC Workers’ Welfare Program, hatid ng QC Public Employment Service Office (QC PESO), na naglalayong gawing organisado ang mga informal at skilled workers sa mga komunidad sa lungsod.

Tiniyak ni Mayor Belmonte na tututukan ng lungsod ang pagpapalakas ng Social Protection Programs para sa manggagawa at ang pagbibigay ng Social Security System, PhilHealth, at Pag-IBIG para sa kanilang kinabukasan.

Ayon pa kay Mayor Belmonte, patuloy siyang mag-iikot sa anim na distrito upang patuloy na matulungan ang bawat manggagawa anumang sektor nagmula.

Ang hakbang na ito na pagtulong sa manggagawa ng Quezon City ay maituturing na natatangi sa kasaysayan ng lungsod at maging sa tala ng lokal na pamahalaan ng bansa - isang nangunguna at kakaibang mithiin,

                                                                        #########