Si Lucy at ang Ibang Eco-Warriors ng Barangay KNL: “A Trash to Cash Back Story”

 

(Photo caption: Si Lucy, Irene at Joseph, mga eco-warriors sa Barangay Krus na Ligas)

Araw-araw, simula umaga hanggang gabi, ang mga piraso ng karton, mga papel, lata o yero, plastic at mga tetra pack, ay kinokolekta at iniipon ni Lucy Desio, kasama ang kanyang kaibigan at kapitbahay na si Irene Fabella. Sa tulong naman ng kapitbahay nilang si Joseph Menguito, ang mga naipong materyales ay dadalhin sa drop-off point ng barangay para sa nakatakdang lingguhang koleksiyon. Sila ang ilan lamang sa mga residente ng barangay na itinuturing na eco-warriors sa ilalim ng programang “Trash to Cash Back” ng Pamahalaang Lungsod.

Ang mga inipon, pinaghiwa-hiwalay na materyales ay titimbangin at may katumbas na environmental points. Ang naipong points ay magagamit sa isang ATM card upang pambayad sa mga grocery items na mabibili o pambayad sa utility bills. 


 Ayon kay Lucy, nakakaipon siya ng halos 10-15 kilong recyclable material sa isang araw at sa isang linggo, siya nakakaipon ng environmental points na katumbas ang P2000-P2500.   

Sa halos mahigit 100-metrong kahabaan ng Kalye Alonzo sa Barangay Krus na Ligas, sila ay makikita na walang-sawang nangongolekta at nag-iipon ng mga scrap na materyal na ito,  bahagi ng pakikilahok nila sa programang “Trash to Cash Back Program”, na pinamamahalaan ng QC Climate Change and Environmental Sustainability Department (QC CCESD) katuwang ang Basic Environmental Systems & Technologies Inc. (BEST).

Ang programang Trash to Cash Back ay inilunsad ng QC LGU noong Marso 2021 sa pangunguna ni Mayor Joy Belmonte upang isulong pa lalo ang solid waste management at hikayatin ang mga QCitizens na mag-recycle at sundin ang isang mas sustenableng pamumuhay (more sustainable lifestyle).

Ayon pa kay Mayor Belmonte, ang programa ay ibinaba sa mga barangay para mas madali para sa mga residente na ipagpalit ang kanilang basura sa cash sa pamamagitan ng environmental points.

Sa paglulunsad ng programa noong 2021, binanggit pa ni Ms. Andrea Villaroman, pinuno ng QC CCESD,na hindi lang ang mga residente ng bawat barangay ang hinihikayat nila. Hinihimok din nila ang mga malls, hotel at restawran na mag-recycle at i-donate ang kanilang environmental points sa mga pamayanan sa kanilang lugar.

Sa kasalukuyan, mayroon ng 22 drop-off points sa buong lungsod at inaasahan dadami pa ito sa darating na panahon.

(Photo caption: KNL Kagawad Patria Uchi with Irene, Lucy at CCESD staff Virgie Bangalay)

Sa Barangay Krus na Ligas (KNL), nagsimula ang programa noong 2022, ayon kay Kagawad Patria Uchi, ang Barangay Committee Chair sa Waste Management. At ito ay patuloy pa rin sa pamumuno ni PB Renz Perdido. 

Ani Kagawad Uchi, nakakapagkolekta sila ng halos 800-1000 kilos na recyclable materials sa barangay sa buwanang koleksyon nito sa ilalim ng programa. May nakatakda ding lingguhang koleksyon sa barangay bilang isang drop-off point.


Ang drop-off point sa Barangay KNL ay nasa ilalim ng patnubay ng mga kawani ng CCESD na sina Ms. Virgie Bangalay at G. Marvin Layosa. Kasama din nila ang ilang kinatawan ng BEST.                                                                                                                                       

Comments

Post a Comment

Popular posts from this blog

QC PESO MANAGER INIHAYAG ANG MATAGUMPAY NA PROYEKTO PARA SA MGA PALEROS NG LUNGSOD

Image
Inihayag ni QC PESO manager Rogelio L. Reyes ang matagumpay na proyektong ginawa ng Pamahalaang Lungsod para mapalakas (empower), maiangat at matugunan ang pangangailangan at kondisyon sa paggawa ng mga paleros ng lungsod sa isang palatuntunan na ginanap sa Flag Raising ceremony kaninang umaga, 7:00 am, ngayong Nobyembre 18, sa City Hall grounds. Ayon kay G. Reyes, maituturing na hamon sa QC PESO ang mga dumating na mga pagsubok katulad ng paghingi ng tulong ng halos 200 waste workers o paleros na nawalan ng trabaho noong Pebrero ngayong taon. Ang grupo ay humiling na bigyang pansin ang kanilang hinaing para sa makataong kondisyon sa paggawa at disenteng tranaho. Dagdag ng QC PESO manager, tumugon ang Pamahalaang Lungsod, sa pangunguna ni Mayor Joy Belmonte , sa kalagayan ng mga paleros at nagbigay ng suporta sa PESO para maiangat ang antas ng kamalayan at kabuhayan, hindi lang sa manggagawa sa industriya ng pagbabasura sa partikular, kundi sa kabuuan ng sektor ng impormal na mang...
Read more

QC PESO IN REVIEW: 2024

Image
  In the past year, the Quezon City Government has attained remarkable achievements that has made a tremendous impact in the course of history of Pres. Manuel L. Quezon ’s dream city, now on its 85th year. The Quezon City Government, under the helm of Mayor Joy Belmonte , has made great strides in making the city the epitome of transparency, good, and efficient governance with fiscal success and autonomy. In support of the mayor’s 14-point agenda, the Quezon City Public Employment Service Office (QC PESO ), led by PESO manager Rogelio L. Reyes , has achieved significant milestones in 2024, reinforcing its role as a catalyst for employment, skills development, and livelihood improvement. Here are some of the major accomplishments: 1. Job Placement and Employment Facilitation Successful Job Fairs: QC PESO organized numerous job fairs throughout the year, connecting thousands of job seekers with local and international employers. These events were inst...
Read more